राज्यातील तलाठी भरतीची आतुरतेने वाट पाहणाऱ्या तरुणांसाठी एक खुशखबर आहे. राज्यातील तलाठी भरतीबाबत शासनाकडून आदेश जारी करण्यात आले आहे. त्यानुसार राज्यात तब्बल 4 हजार 625 जागांची तलाठी पदासाठी मेगाभरती केली जाणार आहे.
या आदेशामध्ये मेगाभरती दि. 17 ऑगस्ट ते 12 सप्टेंबर दरम्यान होणार असल्याचे नमुद करण्यात आले आहे. त्यामुळे अनेक सुशिक्षीत बेरोजगारांना मोठा दिलासा मिळाला आहे.
जाहिरात पाहण्यासाठी : येथे क्लीक करा
महसूल व वन विभागाकडून आदेश काढण्यात आलेल्या आदेशात महाराष्ट्र शासनाच्या महसूल विभागाअंतर्गत तलाठी (गट-क) संवर्गातील एकूण 4 हजार 625 पदांच्या सरळसेवा भरती करता राज्यातील एकूण 36 जिल्ह्यात ऑनलाईन परीक्षा घेतली जाणार आहे.
17 ऑगस्ट ते 12 सप्टेंबर दरम्यान ही परीक्षा होणार असल्याचे आदेशात म्हटले आहेत. तसेच सदर जाहिरात सर्व विभागीय आयुक्त व सर्व जिल्हाधिकारी यांच्या अधिकृत वेबसाईटवर उपलब्ध आहे. या जाहिरातीमध्ये विहित केलेल्या अटी व शर्तीची पूर्तता करणाऱ्या उमेदवारांकडून शासनाच्या ऑनलाईन प्रणालीद्वारे अर्ज मागविण्यात येत आहेत. तसेच जाहिरातीची माहिती https://mahabhumi.gov.in/mahabhumilink या लिंकवर उपलब्ध आहे. पदसंख्या आणि आरक्षणामध्ये शासनाच्या संबंधित विभागांच्या सूचनेनुसार बदल (कमी-जास्त) होण्याची शक्यता आहे.